Peada' Todolo

 Ia tonna dolona tae'pa banua pasdikolan dipabendan. Moi susi to inang diparalluimo ba'tu na paralluimo tu massikola.  Manda'mo tuo lan batu ba'tangna tu kamamaliran la mendadi tau lute na kinaa. 

Ia na den tau la ma'ulelean ba'tu kombongan kalua',  pada kappami to mangura' mpatanan talinga duanna. Natolo' talinga tu kada melo narangi, na palan penaa.

Iatu penggauran melo mala'bi' tu mangka na tiro sia narangi,  napengkilalai,  nasiosso'i, napotuleran.  Mintu'na tu to maluangan penaa untiroan melo tondok sia tontong napakala'bi'. Iatu mintu' kameloan natiro sia katonganan na rangi tontong na toe manda' mendadi guru madatunna.  

Ia duka ke ma'uleleanni tomatuanna sola to ratunna,  tae' anna mareko apa tontong rapa' ungkarang pengkarangan senga' tu ma'din na posara'.  

Iatu tau kinaa malute tu naserongi Puang Matua karongkosan,  kasugiran,  sia kamatotoran. 

Den ba'tu pira-pira battuanan kada sitetena pangadaran dolo:

1. Kada peada', battuannanna kada pa'patudu,  kada mepanarang
2. Ba'tu ba'tang,  battuannanna penaa,  batang kale,  kale 
3. Tau lute,  battuananna tau manarang
4. Umpatanan talinga,  battuananna untalingai,  umperangi,  umpedalling
5. Natolo' talinga, battuananna na perangi,  napalan penaa 
6. Na'aga,  battuananna napasusi,  napapada, napasipuli'.
7. Tontong naallonni, battuananna manda' napalan penaa,  tontong naturu',  tuli napogau'
8. Dandanan sangka',  battuananna rapang,  pa'pasusian,  sangka',  pelalan.
9. A'ganna,  battuananna gau'na, sipa'na,  babena.
10. Bokong mala'bi', battuananna kinallo melo,  parea madatunna katuoan. 
11. Mata ma'dandan, battuananna mintu'na mata patiro mintu'na tau untiroi, to buda. 

Referensi : ARRUSAN KADA "sura' pa'basan na peladaran basa Toraya" oleh C. Parinding